തിരഞ്ഞെടുത്ത വാക്കുകൾ
പ്രധാനപ്പെട്ട ചില വാക്കുകളും അര്‍ത്ഥങ്ങളും
അപരദനം.
1. ബാഹ്യപ്രഭാവങ്ങളുടെ ഫലമായി ഭമോപരിതലത്തിലെ പാറയും മറ്റും അല്‌പാല്‌പമായി നീക്കം ചെയ്യപ്പെടുന്നത്‌. 2. മഴയും ഒഴുക്കുവെള്ളവും കൊണ്ട്‌ മണ്ണുകുത്തിയൊലിച്ചുപോകുന്നത്‌.
ന്യൂക്ലിയോപ്ലാസം.
കോശമര്‍മ്മദ്രവം. കോശമര്‍മ്മത്തിനകത്തുള്ള ദ്രാവകം.
പ്രമേയം
നിര്‍ദേശം.
ഹോളോഗ്രഫി.
ത്രിമാന ചിത്രങ്ങള്‍ രേഖപ്പെടുത്തുന്നതിനുളള ഒരു സങ്കേതം. ഇത്തരം ത്രിമാന ചിത്രങ്ങളാണ്‌ ഹോളോഗ്രാം. ലേസറില്‍ നിന്നുളള പ്രകാശത്തെ ഒരു അര്‍ധ സുതാര്യ കണ്ണാടി ഉപയോഗിച്ച്‌ രണ്ടായി വിഭജിക്കുന്നു. ഇതിലൊന്ന്‌ വസ്‌തുവില്‍ തട്ടി പ്രതിഫലിച്ച്‌ ഫോട്ടോഗ്രാഫിക്‌ ഫലകത്തിലെത്തുന്നു. മറ്റൊന്ന്‌ നേരിട്ടും. ഇവ രണ്ടും ചേര്‍ന്ന്‌ ഫോട്ടോഗ്രാഫിക്‌ ഫലകത്തില്‍ വ്യതികരണ പാറ്റേണ്‍ സൃഷ്‌ടിക്കുന്നു. യഥാര്‍ത്ഥവസ്‌തുവിന്റെ ത്രിമാന ദൃശ്യം പുന:സൃഷ്‌ടിക്കുവാന്‍ ഈ ഫലകത്തെ പ്രത്യേക രീതിയില്‍ പ്രകാശിപ്പിച്ചാല്‍ മതി.
ഉഭയദിശാ പ്രവര്‍ത്തനം.
ഉത്‌പന്നങ്ങള്‍ പ്രതിപ്രവര്‍ത്തിച്ച്‌ അഭികാരകങ്ങളുണ്ടാകുന്ന അഥവാ ഇരുദിശകളിലേക്കും നടക്കുന്ന പ്രതിപ്രവര്‍ത്തനം. ഉദാ: H2+I2 2HI.
സൊമാറ്റോട്രാഫിന്‍.
പിറ്റ്യൂട്ടറി ഗ്രന്ഥിയുടെ പൂര്‍വ്വ ദളത്തില്‍ നിന്നുത്ഭവിക്കുന്ന ഹോര്‍മോണ്‍. ഇത്‌ കുറവായാല്‍ വളര്‍ച്ച മുരടിക്കാനും കൂടുതലായാല്‍ അമിതമായി വളരാനും കാരണമാകും.