തിരഞ്ഞെടുത്ത വാക്കുകൾ
പ്രധാനപ്പെട്ട ചില വാക്കുകളും അര്‍ത്ഥങ്ങളും
ബൈപ്രിസം
ശീര്‍ഷകോണ്‍ 180 ഡിഗ്രിയില്‍ അല്‍പ്പം കുറവായ പ്രിസം. ചെറിയ കോണുകള്‍ ഉള്ള രണ്ടു പ്രിസങ്ങളുടെ പാദങ്ങള്‍ ചേര്‍ത്തുവച്ചതുപോലെ പ്രവര്‍ത്തിക്കുന്നു. വ്യതികരണത്തിന്‌ ആവശ്യമായ രണ്ട്‌ കോഹിറന്റ്‌ സ്രാതസ്സുകള്‍ ഉണ്ടാക്കുവാന്‍ ഉപയോഗിക്കുന്നു.
സംഘന അഭിക്രിയ.
ചെറുതന്മാത്രകളുടെ വിലോപത്തിലൂടെ രണ്ട്‌ തന്മാത്രകള്‍ തമ്മില്‍ പ്രതിപ്രവര്‍ത്തിച്ച്‌ വലിയ തന്മാത്ര ഉണ്ടാകുന്ന അഭിക്രിയ.
ഹരിതകം
സസ്യങ്ങളില്‍ കാണുന്ന പച്ച വര്‍ണകം. ഇവ ക്ലോറോപ്ലാസ്റ്റുകളിലാണ്‌ കാണുക. പ്രകാശ സംശ്ലേഷണത്തില്‍ പ്രകാശ ഊര്‍ജത്തെ രാസ ഊര്‍ജമാക്കി മാറ്റുന്നത്‌ ക്ലോറോഫില്‍ ആണ്‌. രാസഘടനയില്‍ ചില്ലറ വ്യത്യാസങ്ങളോടെ ക്ലോറോഫില്‍ a, b, c, d എന്നിങ്ങനെയുണ്ട്‌. സ്വപോഷിത ബാക്‌ടീരിയയില്‍ ബാക്‌ടീരിയോ ക്ലോറോഫില്‍ ഉണ്ട്‌.
സിസ്‌ രൂപം
ഒരു ദ്വിബന്ധനത്തില്‍ സമാനമായ അണുക്കള്‍ അല്ലെങ്കില്‍ ഗ്രൂപ്പുകള്‍ ഒരേ വശത്ത്‌ വരുന്ന ജ്യാമിതീയ ഐസോമര്‍.
ക്രൊമാറ്റിഡ്‌
കോശവിഭജനത്തിന്‌ മുമ്പ്‌ ക്രാമസോമുകള്‍ ഇരട്ടിച്ച്‌ കഴിയുമ്പോള്‍ ഉണ്ടാകുന്ന രണ്ട്‌ ഇഴകള്‍. അനാഫേസ്‌ ഘട്ടത്തില്‍ മാത്രമേ ഇവ വേര്‍പിരിഞ്ഞ്‌ പുത്രികാ ക്രാമസോമുകളായി തീരുകയുള്ളൂ.
ലോഹബന്ധനം.
ലോഹ ആറ്റങ്ങള്‍ക്ക്‌ അവയിലെ സംയോജക ഇലക്‌ട്രാണുകള്‍ വിട്ടുകൊടുത്ത്‌ പോസിറ്റീവ്‌ അയോണുകളാകുവാനുള്ള പ്രവണത കൂടുതലാണ്‌. ആറ്റങ്ങള്‍ തമ്മില്‍ സഹസംയോജക ബന്ധനങ്ങളുണ്ടാക്കുവാന്‍ വേണ്ടത്ര സംയോജക ഇലക്‌ട്രാണുകള്‍ ലോഹ ആറ്റങ്ങളില്‍ ഇല്ല. ഉദാഹരണമായി ലിഥിയത്തിന്റെ ലോഹലാറ്റിസ്‌ ശ്രദ്ധിക്കുക. അതിനാല്‍ സ്വതന്ത്ര സംയോജക ഇലക്‌ട്രാണുകള്‍ സൃഷ്‌ടിക്കുന്ന ഋണചാര്‍ജുകളുടെ പശ്ചാത്തലത്തില്‍ ധന അയോണുകള്‍ വിതരണം ചെയ്യപ്പെട്ട അവസ്ഥയിലാണ്‌ ലോഹങ്ങള്‍. ഈ ഇലക്‌ട്രാണ്‍ പശ്ചാത്തലവും അയോണുകളും തമ്മിലുള്ള വിദ്യുത്‌ ആകര്‍ഷണമാണ്‌ ലോഹബന്ധനം.