തിരഞ്ഞെടുത്ത വാക്കുകൾ
പ്രധാനപ്പെട്ട ചില വാക്കുകളും അര്‍ത്ഥങ്ങളും
സക്രിയ പരിവഹനം
കോശസ്‌തരത്തിലൂടെ സാന്ദ്രത കുറഞ്ഞ ഭാഗത്തു നിന്ന്‌ കൂടിയ ഭാഗത്തേക്ക്‌ അയോണുകളും മറ്റും വ്യാപിക്കുന്നത്‌. ചില വാഹക പ്രാട്ടീനുകള്‍ ഇതിന്‌ സഹായിക്കുന്നു. ATP യുടെ ഊര്‍ജം ഉപയോഗിച്ചാണ്‌ ഇത്തരം പരിവഹനം നടക്കുക.
നിച്ച്‌.
ഇക്കോവ്യൂഹത്തില്‍ ഒരു സ്‌പീഷീസിനുള്ള സവിശേഷമായ സ്ഥാനം. അല്ലെങ്കില്‍ ഇക്കോവ്യൂഹത്തില്‍ ഒരു സ്‌പീഷീസിന്റെ പ്രത്യേകമായ സ്ഥാനമെന്താണെന്ന്‌ നിര്‍ണ്ണയിക്കുന്ന ഘടകങ്ങളുടെ ആകെത്തുക. ഇതില്‍ രാസപരവും ഭൗതികവും ജൈവപരവുമായ ഘടകങ്ങളെല്ലാം ഉള്‍പ്പെടും.
ലോമന്റം.
ലെഗ്യൂം വിഭാഗത്തില്‍പെട്ട ഒരു ഫലം. ഇത്‌ പാകമാകുമ്പോള്‍ ഓരോ വിത്തും അടങ്ങിയ ഭാഗം വെവ്വേറെ പൊട്ടിപ്പോകുന്നു. ഉദാ: തൊട്ടാവാടി.
ഷാഡോയിംഗ്‌.
പാസ്‌വേര്‍ഡുകള്‍ ചോരുന്നതു തടയാനായി പാസ്‌വേര്‍ഡുകളെ സുരക്ഷിതമായി സൂക്ഷിച്ചു വെയ്‌ക്കാനുപയോഗിക്കുന്ന ഒരു പ്രാഗ്രാമിങ്‌ സങ്കേതം.
എന്‍ഡോസ്‌പോര്‍.
ചില ബാക്‌ടീരിയങ്ങളിലും നീല ഹരിത ആല്‍ഗകളിലും കാണുന്ന, പ്രതികൂല സാഹചര്യങ്ങളെ അതിജീവിക്കാന്‍ കഴിവുള്ള സ്‌പോര്‍. ഇതിന്‌ കട്ടിയുള്ള കവചമുണ്ടായിരിക്കും.
മൊസയ്‌ക്‌ സ്വര്‍ണ്ണം.
ക്രിസ്റ്റലീയ സ്റ്റാനസ്‌ സള്‍ഫൈഡ്‌. SnS2.