തിരഞ്ഞെടുത്ത വാക്കുകൾ
പ്രധാനപ്പെട്ട ചില വാക്കുകളും അര്‍ത്ഥങ്ങളും
ജൈവസംശ്ലേഷണം
ജീവികളാല്‍ നടത്തപ്പെടുന്ന രാസിക സംശ്ലേഷണം.
ജലജെല്‍.
ജലം പ്രകീര്‍ണ്ണന മാധ്യമമായിട്ടുളള ജെല്‍.
മെറ്റാസോവ.
ബഹുകോശ ജന്തുക്കളുടെ പൊതുനാമം. പക്ഷേ, പലതുകൊണ്ടും വ്യത്യസ്‌തമായതിനാല്‍ സ്‌പോഞ്ചുകളെ ഇതില്‍ പെടുത്തിയിട്ടില്ല.
പൊതുഗുണിതങ്ങള്‍.
തന്നിരിക്കുന്ന സംഖ്യകള്‍കൊണ്ടെല്ലാം നിശ്ശേഷം ഹരിക്കാവുന്ന സംഖ്യകള്‍. ഇവയില്‍ ഏറ്റവും ചെറുതിന്‌ ലഘുതമസാധാരണ ഗുണിതം എന്നു പറയുന്നു. ലസാഗു ( LCM-Least Common Multiple) എന്നു ചുരുക്കം
ഗാംഗ്ലിയോണ്‍.
ന്യൂറോണുകളുടെ കോശ ശരീരങ്ങള്‍ ചേര്‍ന്നുണ്ടാവുന്ന നാഡീപിണ്ഡം. അകശേരുകികളുടെ മസ്‌തിഷ്‌കം നാഡീപിണ്ഡങ്ങളും അവയെ തമ്മില്‍ ബന്ധിപ്പിക്കുന്ന നാഡീതന്തുക്കളും ചേര്‍ന്നതാണ്‌. എന്നാല്‍ കശേരുകികളുടെ മസ്‌തിഷ്‌ക ഘടന വ്യത്യസ്‌തമാണ്‌. അവയുടെ പരിധീയ നാഡീവ്യൂഹത്തിലും സ്വതന്ത്ര-നാഡീവ്യൂഹത്തിലും ഗാംഗ്ലിയോണുകളാണ്‌ ഉള്ളത്‌.
ടാര്‍േബസ്‌.
കോള്‍ടാറില്‍ നിന്ന്‌ ലഭിക്കുന്ന നൈട്രജന്‍ അടങ്ങിയ ബേസുകള്‍.