തിരഞ്ഞെടുത്ത വാക്കുകൾ
പ്രധാനപ്പെട്ട ചില വാക്കുകളും അര്‍ത്ഥങ്ങളും
വയറുകടി
ചിലയിനം ബാക്‌ടീരിയങ്ങളും ഒരിനം അമീബയും ചെറുകുടലിലെ ഇലിയം, വന്‍കുടല്‍ എന്നീ ഭാഗങ്ങളില്‍ സംക്രമിക്കുമ്പോള്‍ ഉണ്ടാകുന്ന രോഗം. വയറ്റില്‍ വേദന, വയറിളക്കം, പനി എന്നിവയെല്ലാം ലക്ഷണങ്ങളാണ്‌.
സാന്‍തോഫില്‍.
സസ്യങ്ങളില്‍ കാണുന്ന മഞ്ഞ നിറത്തിലുള്ള വര്‍ണകം. കരോട്ടിനോയിഡുകള്‍ എന്ന വിഭാഗത്തില്‍ പെടുന്ന വര്‍ണ്ണകങ്ങളാണിവ.
വിപരീത സദിശം.
മോഡുലസ്‌ തുല്യവും ദിശ വിപരീതവുമായ സദിശങ്ങളെ വിപരീത സദിശങ്ങള്‍ എന്നു പറയുന്നു. ഉദാ: AB = a ആയാല്‍ BA = -a ആയിരിക്കും.
വന്‍വൃത്തം.
ഗോളത്തിന്റെ കേന്ദ്രമുള്‍ക്കൊള്ളുന്ന തലം ഗോളത്തിന്റെ പ്രതലത്തെ ഖണ്ഡിക്കുമ്പോള്‍ കിട്ടുന്ന വൃത്തം. ഈ വൃത്തത്തിന്റെ കേന്ദ്രം ഗോളത്തിന്റെ കേന്ദ്രം തന്നെയാണ്‌. ഗോളത്തിന്‍മേല്‍ വരയ്‌ക്കാവുന്ന ഏറ്റവും വലിയ വൃത്തങ്ങളാണ്‌ ഇവ.
സമസ്ഥിതി .
ഉരുകിയ മാന്റില്‍ പാളിക്കു മേല്‍ ഭൂവല്‍ക്കത്തില്‍ നിലനില്‍ക്കുന്നതായി കരുതപ്പെട്ടിരുന്ന സന്തുലനാവസ്ഥ. ഉപരിതലത്തിലുണ്ടാകുന്ന വ്യതിയാനത്തെ പരിഹരിക്കാനാവശ്യമായ വിധത്തില്‍ ബാഹ്യപാളി സ്വയം പുനക്രമീകരിക്കപ്പെടുന്നതായി കണക്കാക്കുന്നു. (ഇന്ന്‌ ഈ സിദ്ധാന്തം പ്രസക്തമല്ല).
അന്തര്‍ഗണനം.
f(x)എന്ന ഏകദത്തിന്റെ മൂല്യം നിശ്ചിത വിലകള്‍ക്കനുസൃതമായി അറിയാമെങ്കില്‍ അവയ്‌ക്കിടയിലുളള ഏതെങ്കിലുമൊരു x ന്റെ വിലയ്‌ക്ക്‌ അനുസൃതമായി, ഏകദം നിര്‍ദ്ദേശിക്കുന്ന രീതിയിലല്ലാതെ f(x)ന്റെ വില കാണുന്ന പ്രക്രിയ.